Хураангуй:
ХХI зуун нь мэдээлэл, харилцааны зуун билээ. Хүмүүний үйл ажиллагааны бүхий л салбарууд нь хүний хэрэгцээг хангах зорилгоор бүтээлч субъектийн оюуны болон биеийн хөдөлмөрийн үр дүнд бий болсон соёл хэмээх феномен үзэгдлийн мөн чанар, нийгэмд гүйцэтгэдэг үүрэг, бусад шинжлэх ухаануудтай харилцан нөлөөлөлцдөг үйл явц нь эрдэмтэд, судлаачдын судалгааны гол судлагдахуудын нэг болжээ. Соёл гэдэг нь хүнийг “хүншүүлдэг”, “хүмүүнжүүлдэг” бүхий л зүйл бөгөөд соёлыг “нээдэг”, тайлбарладаг нэгэн түлхүүр бол хэл юм. Иймээс ямарваа нэг ард түмний соёлыг танин мэдэх үйл явцад хэл онцгой байр суурь эзэлж байгаа нь маргаангүй юм.
