СУРГАЛТЫН ТӨВИЙН СУРГАЛТ УДИРДЛАГЫН СИСТЕМ /БАГАЧУУДЫН МАТЕМАТИК СУРГАЛТЫН ТӨВИЙН ЖИШЭЭН ДЭЭР/

Abstract

Боловсролын бизнес эрхэлж байгаа байгууллагын хувьд тэдэнд сургалтаа илүү хүртээмжтэй, хялбар болгох, багшийн ачааллыг бууруулах, эцэг эх, сурагчидтай хамтын ажиллагаагаа сайжруулах, үйл ажиллагааныхаа зардлыг бууруулж, үр ашгийг дээшлүүлэх, өгөгдөлд тулгуурлан шийдвэр гаргах зэрэг олон хэрэгцээ шаардлага байдаг. Сүүлийн жилүүдэд цахим технологи хөгжихийн хэрээр заах, сурах үйл явцад асар их нөлөө үзүүлж, сурган хүмүүжүүлэх төрөл бүрийн арга барилыг хөгжүүлэх боломжийг олгож, боловсролын хүртээмжийг өргөжүүлж байна. Нөгөө талаас сургалтын орчинд сөргөөр нөлөөлдөг олон хүчин зүйлийн нэг нь олон нийтийн мэдээллийн хэрэгсэл билээ. Манай улсын хувьд сүүлийн жилүүдэд боловсролын байгууллага болон төрөл бүрийн сургалтын төвийн үйл ажиллагаа нэмэгдсэнтэй холбоотой сургалтын арга зүйг сайжруулж, цар хүрээ нэмэгдүүлж, сургалтын төвийн сургалт удирдлагын системийг судалж, нэвтрүүлэх нь зайлшгүй сонголт болсон. Энэ дипломын ажлын хүрээнд сургалтын төвийн сургалтын үйл ажиллагаа, түүнтэй холбоотой онолын мэдлэг, судлаачдын судалгааны ажлын үр дүнг судлан, оновчтой, чухал хэрэгцээтэй функцүүд болон мэдээллийг багтаасан сургалт удирдлагын системийн шинжилгээ болон зохиомжийн бичиг баримтыг боловсруулж системийг эхний байдлаар хөгжүүлэлт хийж дуусгалаа.