Хураангуй:
Дотоод аудитын үйл ажиллагаа нь компанийн засаглалын гол бүрэлдэхүүн хэсгийн нэг гэж үздэг. Тиймээс компанийн засаглалыг сайжруулах оновчтой гарц дотоод аудитын үйл ажиллагаанаас улбаалж болохыг таамаглан, холбогдох ойлголтуудын талаар онол болоод туршлагын хүрээнд тойм судалгаа хийв.
Компанийн оролцогч талуудад (stakeholders) гадаад болон дотоод гэсэн зааг тавьж, онцлогуудыг тодорхойлж, тэдгээрийг мэдээлэл авч буй эх сурвалжаар нь зурагласнаар альтернатив дүгнэлт хийх боломжтой болсон юм.
Судалгааны үр дүнд, онол болоод судлагдасан байдлын хүрээнд дотоод аудитын үйл ажиллагаа ба компанийн гадаад оролцогч талууд хоорондын уялдаа холбооны загварыг зураглаж, үр дүнд нь үүсч буй эерэг боломжуудыг тодорхойлсон болно. Иймд, цаашид энэ чиглэлийг баримтлан, судалгаагаа хөгжүүлж, дээрх уялдаа холбоог бий болгох Монголын нөхцөлд тохирсон аргазүйг боловсруулах шаардлагатай байна.
