Хураангуй:
Салоны бизнес эрхлэгчдэд одоо зах зээл дээр байгаа хэрэглэгч удирдлагын систем хангалтгүй эсвэл хэт үнэтэй байсаар байгаа юм. Үүнээс үүдэн цаг захиалга, үйлчлүүлэгчидтэйгээ харилцах, үйлчилгээнүүд болон ажилтнуудаа удирдах зэрэг үйл ажиллагаанууд нь хэт их цаг авдаг, төвөгтэй байсаар байгаа юм. Энэхүү асуудлын хүрээнд уламжлалт байдлаар үйл ажиллагаагаа явуулдаг “Zu Nailbar” салоны үйл ажиллагааг сайжруулах зорилго тавьж ажилласан юм.
Энэхүү сэдвийн хүрээнд өмнө хийгдэж байсан Монгол болон гадаадын судалгааны ажлуудыг судалсан ба өөрөө хэрхэн сайжруулж болохыг мөн оруулсан юм.
Байгууллагын шинжилгээгээр одоо ашиглаж буй процессуудыг судалж тухайн байгууллагын гадаад болон дотоод орчин, онцлог шинж чанар, давуу болон сул талуудыг олж илрүүлсэн юм.
Асуудлын шинжилгээгээр тулгамдаж буй асуудлуудыг олж илрүүлсэн ба энэхүү олсон асуудлууд дээр тулгуурлан системийн шаардлагуудыг гаргасан юм. Системийн шаардлагууд дээр үндэслэн системийн зохиомжийг хөгжүүлсэн ба NextJs, ExpressJs, MySQL зэрэг технологиудыг ашиглахаар шийдсэн юм.
Системийн прототайпыг “Zu Nailbar” салоны хэв маягт тохируулж бүрэн хөгжүүлж дуусгасан юм. Прототайп нь системийн шаардлагуудыг бүрэн хангасан болно.
