Хураангуй:
Энэхүү бакалаврын зэрэг горилсон судалгааны ажилдаа компанийн хувьцаа эзэмшигчийг компаниас хасахтай холбоотой Монгол улсын эрх зүйн орчин болон гадаад улсын эрх зүйн орчинтой харьцуулсан судалгааг хийж ажиллаа. Судалгааны ажлын сэдэв нь Монгол улсын компанийн эрх зүйн хувьд харьцангуй шинэ судлагдахуун юм. Энэхүү судалгааны ажлаар компаниас жижиг хувьцаа эзэмшигчийг албадан хасах талаар онолын ойлголтыг тайлбарлах, Монгол улс дахь компанийн хувьцаа эзэмшигчдийн хоорондох маргаан, компанийн шийдвэр гаргалтыг үйл явцад гардаг гацаа, болон жижиг хувьцаа эзэмшигчийг хасахтай холбоотой хэрэгцээ шаардлагыг судлахыг зорьсон. Судалгааны явцад Монгол улсын 2011 оны Компанийн тухай хуульд компанийн жижиг хувьцаа эзэмшигчийг албадан хасахын урвуу ойлголт буюу 53 дугаар зүйлийн 53.1 дэх хэсэг “Хувьцаа эзэмшигчийн шаардлагаар компани хувьцаагаа эргүүлэн худалдаж авах” гэж тусгасан байх тул том болон жижиг хувьцаа эзэмшигчийн компаниас хувьцаагаа эргүүлэн авахыг шаардах эрхийг тэнцвэржүүлэхийн тулд уг ойлголтыг зайлшгүй тусгагдах ёстой зохицуулалт болохыг судалгаа хийн ажиглав.
Судалгааны үзэл баримтлалын хүрээнд компанийн шийдвэр гаргалтын явцад гаргах гацаа болон том хувьцаа эзэмшигч нар нь жижиг хувьцаа эзэмшигч нарыг компанийн компанийн эрх зүйн хувьд албадан компаниас хасах шаардлага, шалгууртай холбоотой асуудлыг дэвшүүлэн ажиллаа.
Судалгааны ажлын эцэст тус шинэ ойлголтыг хэрхэн Компанийн тухай хуульд тусгавал тохиромжтой талаар судлаачийн дүгнэлт, санал зөвлөмжийг боловсруулав.
