Хураангуй:
Аудитын байгууллагын үйл ажиллагаа нь хараат бус, аудиторууд нь аливаа шахалт, эрхшээлд орох нөхцөл бүрэлдэхээс зайлсхийн, бодитой, бие даасан үйл ажиллагаа явуулах хуультай. Харамсалтай нь манай зарим аудиторууд энэ эрхэм үүргээ үл биелүүлж, санхүүгийн баримтыг дутуу дулимаг шалган судалж, шаардлага хангахгүй буюу захиалгат дүгнэлт гаргах явдал нэлээн түгээмэл байснаас мэргэжлийн өндөр түвшинд, батлагдсан стандартын дагуу хийгдсэн аудитын дүгнэлтэд, улмаар аудитын байгууллагад үл итгэх байдал бий болоод байна.
Судалгааны үр дүнд аудитын байгууллагын гүйцэтгэлийн үнэлгээ нь аудитын байгууллагын ёс зүйн уур амьсгалд нөлөөлөн, ёс зүйн уур амьсгал нь аудиторын ажлын гүйцэтгэлд нөлөөлж байна хэмээн үзсэн бөгөөд судалгаанд хамрагдсан компаниудын ёс зүйн уур амьсгалын түвшин төдийлөн сайн үзүүлэлттэй гараагүй нь аудитын компаниудын ёс зүйн уур амьсгалын түвшинг сайжруулах хэрэгцээ байгааг харуулж байна.
Мэргэжлийн ёс зүйн хэм хэмжээний хэрэгжилт, аудиторын ажлын гүйцэтгэлийн үнэлгээг сайжруулахад өөрийн зүгээс санал, зөвлөмжийг дэвшүүлсэн. Ингэхдээ дараах 4 түвшинд сайжруулах арга хэмжээг авч байж, тогтолцоо нь бүхэлдээ эрүүлжих боломжтой юм.
1. Аудитор
2. Аудитын байгууллага
3. Үйлчлүүлэгч байгууллага
4. Хянах дээд байгууллага