Хураангуй:
Шинэ Кейнсийн загварууд сүүлийн жилүүдэд макро эдийн засгийн голлох загвар болтлоо хөгжөөд байна. Эрчимтэй хөгжиж буй тооцооллын программууд болон эконометрик аргазүй нь Шинэ Кейнсийн ДСЕТ загварыг алдаа багатай үнэлэх бололцоог олгож байна. Энэхүү дипломын ажлаар Шинэ Кейнсийн ДСЕТ загварыг Монгол улсын 2006 оны 2 улирлаас 2022 оны 3 улирал тоон мэдээлэл дээр үндэслэн Бейсийн аргазүйгээр үнэллээ. Монгол улсын гарцын хэлбэлзэлд нийлүүлэлтийн шок нь эрэлтийн шоктой харьцуулахад илүү нөлөөтэй байна. Инфляц нь нийлүүлэлтийн талын шокоос ихээхэн хамаардаг бөгөөд мөнгөний бодлого нь эрэлтээс хөөрөгдсөн инфляцад хүчтэй нөлөөлдөг байна. Түүхэн хугацааны туршид инфляц болон гарцад нийлүүлэлтийн шок хүчтэй нөлөөлж байв. Бүтцийн шокуудын нөлөө эдийн засагт богино хугацаанд хадгалах төлөвтэй байдаг ба гарцад үзүүлсэн шок нь хамгийн удаан хадгалагддаг байна.
