Хувь хүний зээлжих зэрэглэлийг тогтоох боломж, арга зам

Abstract

Энэхүү судалгааны хүрээнд хувь хүний зээлийн зэрэглэлд нөлөөлж буй хүчин зүйлс болон зэрэглэл тогтоох арга замыг судалж, зээлдэгчдэд зэрэглэл тогтоолоо. Судалгаандаа логистик шинжилгээ болон машин сургалтын аргуудаас ашиглан зээлийн зэрэглэлийг тогтоох бөгөөд “АРД КРЕДИТ” ББСБ-ын зээлдэгчдийн дата мэдээллүүдэд үндэслэн хугацаа хэтэрсэн болон хэвийн зээлүүдийг хэдэн хувийн магадлалтайгаар гаргаж байгааг тодорхойлж зээлдэгчдэд зэрэглэл тогтоосон. Логистик аргын хувьд ROC муруйн дүрслэл 66.0 хувьтай байгаа нь бодит үр дүн нь загварын таамаглалтай хэр зэрэг таарч байгааг 66.0 хувийн нарийвчлалтай үнэн зөв хэмжсэн үзүүлэлт гэсэн утгыг гаргаж байна. Харин SVM, KNN Decision tree зэрэг загварууд 0.50 орчим буюу таамаглах нарийвчлал сул гарсан тул эдгээр аргуудаар үнэлэхээс зайлсхийсэн. Тиймээс дээрх таван арга дотроос Random Forest загвар нь зээлийн зэрэглэлийг тогтоох үр дүнтэй арга болох нь сайн зээлийн 99.52 хувьд зөв үнэлгээг өгснөөр нотлогдсон бөгөөд “АРД КРЕДИТ” ББСБ-ын хувьд зээл олгохдоо “А” үнэлгээтэй зээлдэгч буюу 800-аас дээш FICO оноотой үнэлэгдэж буй зээлдэгчид зээл олгох нь чанаргүй зээлд өртөх эрсдэлээс зайлсхийх хандлагатай байна.