ХЭРЭГЛЭЭНИЙ ЯЛГААТАЙ БАЙДАЛ, ТҮҮНИЙГ ТОДОРХОЙЛОХ ОНОЛ АРГА ЗҮЙН АСУУДЛУУД

Abstract

Өнөөгийн нийгэмд хэрэглэгчдийг хэрэглээний түвшингээр нь бүлэглэн, тэдгээрийн хэрэглээний бүтэц, онцлогийг судлах нь макромаркетингийн болон микромаркетингийн онцгой ач холбогдолтой билээ. Аливаа нийгэмд тэгш бус үзэгдэл оршин буй учраас хүн амын хэрэглээнд хүртэл адил бус хуваарилалтын асуудал хүчтэй нөлөө үзүүлж байна. Нийгэмд хэрэглээний ялгаатай байдал бий болох үндэслэлийг эртний эдийн засгийн сэтгэгчид, эдийн засгийн шинжлэх ухааны нэрт төлөөлөгчдийн үзлүүдээс дүгнэж үзэхэд хэрэглэгчид хэдий хэмжээний орлого олж буйгаас хамаараад тэр хэмжээгээр зарцуулдаг болох үндэслэлийг илрүүлэн гаргажээ. Нийгэм-социологийн шинжлэх ухаанд нийгмийн аль давхраажилд оршин буй эсэхээс хамаараад хүний хэрэглээ нь өөр хоорондоо зөрүүтэй болохыг нийгмийн давхраажлын онолоор тайлбарласан байдаг. Харин маркетингийн шинжлэх ухаанд зах зээлийн хэсэгчлэлийн онол, худалдан авах зан төлөвийн онол, бараа бүтээгдэхүүний ангиллын онолуудаар хэрэглээний ялгаатай байдлыг тайлбарлаж болохыг харуулжээ. Хэрэглэгчдийн хэрэглээний түвшин нь өөр хоорондоо ялгаатай байх үндэслэлийг эдийн засгийн шинжлэх ухаан, нийгэм-социологийн шинжлэх ухаан, маркетингийн шинжлэх ухааны онолын ойлголтуудаар тайлбарлах боломжтойг энэхүү судалгааны үр дүн харуулсан.

Abstract

In nowadays society, it is significant for macro marketing and micromarketing to differ consumers by level of consume and study their structure and feature. Unequal distribution influence strongly to population consume due to existence of unequal phenomenon in society. It was found that consumers spend depending on their income, as a result of ancient economic sophists and reputed representatives of science. In view of scholars of social-sociological science, consume differs depending on kind of society was explained by level of society. Its shows than it is possible to explain difference of consume by theory of market partial, purchasing manner and product variety. A result of the study shows possibility to explain basis of difference between levels of some by theory of social-sociological and marketing science.