Тээврийг хэрэгслийн даатгалын үйлчилгээний сонголтод нөлөөлөх хүчин зүйлс

Abstract

Улс үндэстэн хөгжихийн хэрээр санхүүгийн зах зээл хөгжих нэг үндэс болж, нөгөөтээгүүр даатгалын салбар оршин тогтнох шаардлага бий болдог. Германы эрдэмтэн А.Манес хэлэхдээ “Даатгал нь өөрийн бүхий л хэлбэрээрээ хүний материаллаг хангамжийг дээшлүүлэхэд үйлчилдэг хамгийн тохиромжтой, оновчтой арга хэрэгсэл учраас эдийн засгийн шинжлэх ухаанд агуу их байр суурь эзэлдэг” 2022 оны Монгол Банкнаас гаргасан иргэдийн санхүүгийн мэдлэгийн түвшин тогтоох судалгаанд иргэдийн санхүүгийн байгууллагуудын талаар мэдлэг арилжааны банкны зээл, хадгаламжаар хязгаарлагдаж байгаа гэсэн үр дүнд гарсан. Тиймээс даатгалын салбарын бүтээгдэхүүн үйлчилгээ тэр дундаа тээврийн хэрэгслийн даатгалын бүтээгдэхүүн үйлчилгээний сонголтод нөлөөлөх хүчин зүйлсийг тодорхойлон, борлуулалтыг дэмжих арга замыг нээн илрүүлэхээр зорилготойгоор тус судалгааны ажлыг гүйцэтгэсэн. Судалгааны арга зүйн хувьд Улаанбаатар хотод 2023 оны байдлаар 697,870 тээврийн хэрэгсэл бүртгэлтэй байгаа бөгөөд 95%-н итгэх түвшинд уг эх олонлогийг төлөөлж чадахуйц 445 түүврийг цуглуулан Microsoft Forms платформыг ашиглан асуулгын судалгаа авсан бөгөөд SPSS программыг ашиглан судалгаа, шинжилгээг боловсруулсан. Судалгааны үр дүнд 15 үнэт зүйлийг хэрэглэгчийн мэдлэг, маркетинг бүтээгдэхүүн гэсэн 3 бүлэг болгон авч үзсэн.