Хураангуй:
Энэхүү дипломын ажлын хүрээнд хэрэглэгчдийн аппликейшны хэрэглээ болон хэрхэн уг аппликейшны хэрэглэгч болж байгаа зан төлөвийн хүчин зүйлүүд дээр тулгуурлан хөгжмийн стрийминг аппликейшн хэрэглэгчдийн замналыг гаргаж энэ чиглэлээр үйл ажиллагаа явуулж буй, ирээдүйд явуулахаар төлөвлөж буй бизнес эрхлэгчдэд санал зөвлөмж өгөхөд чиглэсэн болно.
Хөгжмийн аппликейшн хэрэглэгчдийн замналыг гаргахдаа нийт 6 бүлэг бүхий 418 түүврийн хэмжээтэй судалгаа шаардлага хангасан 388 өгөгдөл дээр шинжилгээ хийн үр дүнд тулгуурлан ярилцлага авах замаар замналыг гаргалаа.
Салбарын хүрээнд дэлхийн болон дотоодын хөгжмийн стрийминг аппликейшнууд болон түүний хэрэглээний талаар дэлгэрүүлэн авч үзсэн.
Эмпирик судалгааны хувьд Spotify, Soundcloud, Apple Music, Youtube Music, Amazon Music, Google Play Music дотоодын M Music аппликейшнуудын жишээн дээр Venkatesh болон Viswanath нарын 2003 онд боловсруулсан “Технологийг хүлээн зөвшөөрөх нэгдсэн загвар” болон Chiehwen Ed Hsu-ийн 2021 онд хийгдсэн “Хөгжмийн стрийминг аппликейшны хэрэглэгчийн сэтгэл ханамж, худалдан авах хүсэлд нөлөөлөх хүчин зүйлийн судалгаа”-ны загварт үндэслэн хийж гүйцэтгэлээ.
Судалгааны хүрээнд 17 таамаглал дэвшүүлснээс 17 нотлогдсон бөгөөд хэрэглэгчдийн хөгжмийн стрийминг аппликейшн сонголтод нөлөөлөх хүчин зүйлсийн ялгаатай байдлын дагуу хэрэглэгчид 2 кластер хуваагдсан ба ялгаатай кластеруудын хувьд ярилцлагын судалгаа явуулан хэрэглэгчийн замналын зураглалыг зураглалаа.
