Оюутны дадлагын хөтөлбөрийн оролцогч талуудын судалгаа

Abstract

Энэхүү судалгааны ажил нь Санхүү Эдийн Засгийн Их сургуулийн Бизнесийн Удирдлагын Тэнхимийн бакалаврын өдрийн хөтөлбөрийн оюутнуудын зайлшгүй үзэж судлах ёстой дадлагын хөтөлбөрт оролцож буй оролцогч талуудын судалгаа хийсэн ба хүртээмжтэйгээр бизнесийн болон маркетингийн дадлагын хөтөлбөрийг сайжруулах арга замыг бий болгохоор ажилласан. Мөн оролцогч талуудын талаар илүү их ойлголтыг өгөхөөс гадна гадаадын их дээд сургуулиудын туршлага, үйл ажиллагааг судалж өөрсдийн дадлага ажлын чанарыг сайжруулах болон оролцогч талууд хэрхэн нэгэндээ үнэлэлт дүгнэлт өгөх тал дээр зөвлөмж, санал боловсруулсан билээ. Судалгаанд оролцогч талуудыг тодорхойлж, тэдгээрийн үүрэг, хүлээлт, хоорондын нийцэл болон харилцан үр ашигтай ажиллаж байгаа эсэх зэргийг тодруулж дадлагын үр дүнтэй байдалд ямар хүчин зүйлсийн нөлөө байгаа зэргийг тодруулах зорьсон билээ. Тэдгээрийг тодруулахын тулд асуулга, ярилцлага болон кейс судалгааны аргыг ашиглан шинжилгээ хийсэн. Үүний дүнд гол оролцогч талуудын нэг болох ажил олгогч/дадлага удирдагчдын хүлээлт нь онолын мэдлэг гэхээс илүүтэйгээр зөөлөн ур чадварыг оюутнуудаас тусгайлан харах хандлагатай байна. Бизнесийн Удирдлагын Тэнхимийн багш нарын хувьд оюутан бүрээс хамааран дадлагын гүйцэтгэл, үр дүн болон сурч мэдсэн зүйлсийг бага зэрэг хангалтгүй болон сайжруулах нь зүйтэй хэмээн үзэж байгаа ба оюутнуудын хувьд зөөлөн ур чадвар олгох хичээл оруулах, оюутан өөрөө дадлага хийх компаниа олох болон сургуулийн зүгээс оюутнуудад дадлагын компанийг хуваарилах зэргийг нээлттэй байлгах нь зүйтэй талаар авч үзсэн билээ.