Хураангуй:
Өнөөгийн Монголын эдийн засгийн хөгжил сул, хямралтай байгаа нөхцөлд Монгол Улсын эдийн засгийн бодлого нь эдийн засгийн харилцааг зохицуулж буй хуулиудын үзэл баримтлалд хэрхэн тусгагдан хэрэгжиж байгааг судлах шаардлагатай байна. Иймд “Монгол Улсын эдийн засгийн бодлого ба эрх зүйн зохицуулалт” илтгэлийн хүрээнд юуны өмнө Монгол Улсын эдийн засгийн бодлого нь эрх зүйн үзэл баримтлалд хэрхэн тусгагдан хэрэгжиж байгаад орчин үеийн эдийн засаг, хууль зүйн шинжлэх ухааны онол арга зүйн үүднээс дүн шинжилгээ хийхийг оролдов. Мөн эдийн засгийн харилцааг зохицуулж байгаа Монгол Улсын Үндсэн хууль, Төсвийн тухай хууль, Татварын хуулиуд, Хөрөнгө оруулалтын тухай хууль, Ашигт малтмалын тухай хууль гэх мэт гол хуулиудыг онол – практикийн үүднээс судлан, анализ хийхийг оролдлоо. Судлаачийн хувьд өөрийн өмнөх судалгаанд тулгуурлан өнөөгийн нөхцөлд эдийн засаг, эрх зүйн харилцан холбоо, нөлөөллийн байдалд дүн шинжилгээ хийсэн болно.
