Хураангуй:
Энэхүү судалгааны ажлын загвар нь үүрэн холбооны үйлчилгээний салбарын дүр
төрх, үйлчилгээний чанар, хэрэглэгчийн сэтгэл ханамж, үнэнч байдлын хамаарлуудыг
“Юнител” үүрэн оператороор үйлчлүүлсэн хэрэглэгчдээс эдгээр асуудлуудын хамаарлыг
хэмжих хамгийн түгээмэл арга болох анкетын аргыг сонгож судалгааг аван үүнээс гарсан
өгөгдөл дээр тооцоолол хийж үр дүнг гаргав.
Судалгааны үр дүнгийн хувьд таван таамаглал дэвшүүлэхэд эхний гурван таамаглал
болон таамаглал тав батлагдсан. Үүнд: үүрэн операторын дүр төрх нь үйлчилгээний чанар
болон хэрэглэгчийн сэтгэл ханамжид эерэг хамаралтай, үйлчилгээний чанар нь
хэрэглэгчийн сэтгэл ханамжид эерэг хамааралтай мөн сэтгэл ханамж нь үнэнч байдал эерэг
хамааралтай гэдэг нь батлагдсан тул “Юнител” үүрэн оператор нь цаашид өөрийн дүр төрх,
үйлчилгээний чанараа сайжруулаад явбал хэрэглэгчид сэтгэл ханамжтай байхаар байна.
Гэвч үйлчилгээний чанар нь үүрэн оператороор үйлчлүүлсэн хэрэглэгчдийн үнэнч байдалд
нөлөөлөхгүй байгаа нь эмпирик судалгаагаар батлагдсан тул “Юнител” үүрэн оператор нь
хэрэглэгчдийн урт хугацаанд, үнэнч байлгах тал дээр бусад төрлийн маркетингийн үйл
ажиллагаа, урамшуулал зэргийг хэрэглэгчид санал болгох нь чухал юм.
