Хураангуй:
Дулааны эрчим хүчний компанийн бэрхшээл бол мэдлэгтэй, ур чадвартай хүний
нөөцтэй байх, хүний нөөцийг тасралтгүй хөгжүүлэх боловсон хүчний асуудал юм.
Судалгааны ажлыг хүний нөөцийн менежментийн чиг үүргийн хүрээнд хийж
гүйцэтгэн, хүний нөөцийн менежментийн арга барил, хэрэгжүүлэлт, үр дүн, үйл
ажиллагааг удирдах ажилтнуудаар үнэлүүлж, харьцангуй ач холбогдлын индексийн
үнэлгээ (Relative importance index-RII)-ний тусламжтайгаар эрэмбэлж үр дүнг гаргасан.
Багануур дүүргийн дулааны станцын хүний нөөцийг удирдах төлөвлөх онол арга
зүйг судалж, өнөөгийн байдлыг тодорхойлон, хүний нөөцийн шийдвэр гаргалтыг
оновчтой болгоход чиглэсэн хүчин зүйлийг үнэлж, харьцангуй ач холбогдлын индекс
/RII/-ийн үнэлгээний тусламжтайгаар эрэмбэлж үр дүнг гаргасан. Тухайн станцын
өнөөгийн байдлыг судлахад хүний нөөцийн менежментийн чиг үүргийг хэрэгжүүлэх
бодлого алдагдаж 5 онооноос 2 функцээр багассан, хууль эрхзүй, дүрэм, журмын
сургалт, хүртээмжийн арга хэлбэрийг нэмэгдүүлэх, ажиллагчдын хүний нөөцийн
мэдээллийн тогтолцоог шинэчлэх программчлах, шинэчлэгдсэн дүрэм журмын сургалт
хөгжүүлэлтийг зохион байгуулах, хөдөлмөрийн бүтээмжийн асуудлыг судалж
сайжруулах асуудал тулгарч байгааг харуулж байна. Судалгаанаас үзэхэд ХНУ-ын
сонгон шалгаруулалт, сургалт, албан тушаалын ангилал, зэрэглэл, зэрэг дэв олгох,
цалин хөлс, гүйцэтгэлийг үнэлэх, гүйцэтгэлээр урамшуулах, шагнаж урамшуулах гээд
үндсэн функцүүдийг өнөөдөр амьдрал дээр хэрэгжүүлэхэд хууль журмын зохицуулалт
заримдаа тодорхой биш, хоорондоо зөрүүтэй, үндсэн зарчимд үл нийцэх зэрэг алдаа
гарсаар байгаа юм байна. Орчин цагийн хурдацтай хөгжлийн шаардлагад нийцэж явах
үүднээс мөн ХНУ-ын системийн тэнцвэрийг хадгалахын тулд ХН-ийн бодлого
зохицуулалтыг нээлттэй, үр дүн бүтээмжид чиглэсэн соѐлыг төвөлшүүлэхээр өөрчлөх
шаардлага тулгарч байгаа нь судалгааны явцад дүгнэсэн.
