Ногоон бизнес ба түүний санхүүжилтийн судалгаа

Abstract

Монгол улсад ногоон зээл, санхүүжилтийн эрэлт хэрэгцээ нэмэгдэж байгаатай холбогдуулан ногоон санхүүжилтийн өнөөгийн нөхцөл байдлыг тодорхойлох зорилготой. Судалгааны үр дүнд хүрэхийн тулд бичиг баримт дээр дүн шинжилгээ хийсэн, бизнес эрхлэгчдээс анкетын судалгааг авсан мөн оролцогч талуудаас ярилцлагын судалгаа авснаар ногоон санхүүжилтийн процессын зураглалыг хийсэн. Оролцогч талуудын ярилцлагын судалгааны үр дүнгээс ногоон бизнесийн шалгуурууд тодорхой бус, зохицуулагч байгууллагуудад ногоон хэлтэс нэгж байхгүй, тодорхой хариуцсан ажилтан байхгүй, хяналт шалгалт сул, нэгдсэн мэдээлэл байдаггүйг илрүүлсэн. Үүнээс улбаалан бусад оролцогч талуудтай уялдаа холбоо дутмаг байсан. Ногоон бизнес эрхлэгч нараас авсан судалгаагаар бизнес эрхлэгч нар ногоон бизнесийн талаарх мэдээлэл дутмаг байгаа үр дүн гарсан. Үйл ажиллагаандаа ногоон практикийг хэрэгжүүлэхэд мэдлэг дутмаг, төрийн дэмжлэг сул гэх мэт асуудал тулгардаг байна. Үүний улмаас ногоон санхүүжилт авах бизнесийн үйл ажиллагаагаа тэлэх, ногоон бизнес хөгжих боломж алдагдаж байна. Тиймээс энэхүү ойлголтыг илүү таниулж мэдлэгийг тэлэх нь чухал байна. Засгийн газраас ногоон бизнес эрхлэгч нарт өгч буй ногоон зээлийн хүүгийн хөнгөлөлтийн татаас нь жилд 1-2 тэрбумын санхүүжилтийг олгодог нь маш бага үзүүлэлт юм. Бизнес эрхлэгч нар өөрийн бизнестээ ногоон хөдөлгөөнийг нэвтрүүлэх нь чухал боловч төдийлөн сайн хэрэгжүүлдэггүй.