Хураангуй:
Мэргэжлийн хөгжил болон насан туршид суралцах хандлагыг дэмжихэд менторингийн ач холбогдлыг хүлээн зөвшөөрч байгаа хэдий ч ментор ба ментее нарын харилцааг хөнгөвчлөх зорилготой нэгдсэн, үр ашигтай мэдээллийн систем байхгүй байгаа нь хоёр талын мэдлэгийг үр дүнтэй дамжуулах, ур чадвараа дээшлүүлэх, ажил мэргэжил, карьераа өсгөх зорилгод бэрхшээл учруулж байна. Технологийн хурдацтай хөгжил нь уламжлалт менторингийн хандлагыг өөрчлөх менторингийн харилцааг цахим системээр дамжуулан хэрхэн үр дүнтэй, хамтын ажиллагааг хөнгөвчлөх боломжийг олгож байна. Цахим менторингийн системийн гол бүрэлдэхүүн хэсгүүдийг тодорхойлон тэдгээрийг үр ашигтай байдлыг хэрхэн нэмэгдүүлэх боломжийн талаар судалсан. Энэхүү үр дүнд хүрэхийн тулд цахим менторингийн системийн шаардлагыг цуглуулах баримт бичгийн судалгааг хийсний дараагаар хийсвэр загвар болох прототайп загварыг боловсруулж, туршлагатай ментор нарт танилцуулах, бүрэлдэхүүн хэсгүүдийг үнэлүүлэх байдлаар сайжруулалтын санал зөвлөмж боловсруулалт хийсэн юм. Үүний үр дүнд цахим менторингийн системийн нэвтрүүлэх хэрэглэгчийн болон функциональ шаардлагуудыг тодорхойлж өгсөн нь системийг нэвтрүүлэх үндсэн суурь болж, бүтээгдэхүүн зах зээлд амжилттай нэвтрүүлэх боломжийг бүрдүүлэх юм.
