Хураангуй:
Аливаа нийгэмд тэгш бус байдал гэдэг ойлголт шударга ёсны үзэл баримтлалтай байнгын холбоотой байдаг билээ. Монгол улсын хувьд орлогын тэгш бус байдлын талаар хийсэн судалгаанууд олон байдаг, мөн хэвлэл, мэдээллийн хэрэгслээр байнга мэдээлдэг боловч баялгийн тэгш бус байдлын талаар хийсэн судалгаанууд харьцангуй цөөн байдаг. Ялангуяа Монгол улсын хувьд баялгийг судалсан судалгаа огт байдаггүй байна. Энэхүү судалгааны ажлаар тэгш бус байдлын асуудлыг орлого болон баялаг гэсэн хоёр ангиллаар судлах замаар судалгааны ажлын үр дүндээ тулгуурлан дүгнэлтүүдийг өгсөн болно. 2016, 2018, 2021 онуудын Өрхийн Нийгэм Эдийн Засгийн Судалгаанаас өрхийн орлого болон хадгаламжийн (баялаг) өгөгдлийг түүвэрлэн авч Жини индекс ашиглан тэгш бус байдлыг тооцсон ба Лоренцын муруйгаар тэгш бус байдлын зэргийг авч үзсэн. Судалгааны боловсруулалтын үр дүнгээс харахад авч үзсэн 3 онуудад баялгийн тэгш бус байдал орлогын тэгш бус байдалтай харьцуулбал харьцангуй өндөр байсан ажээ. Хугацааны хүрээгээр дамжуулан авч үзвэл баялгийн тэгш бус байдлын хувьд илт ялгарах зөрүү ажиглагдаагүй болно.
