Хураангуй:
Тус дипломын ажлаар макро эдийн засгийн голлох үзүүлэлтийн нэг болох инфляцын таамаглалыг хэрхэн үр ашигтай хийх асуудлыг хөндөн авч үзэв. Энэхүү асуудлыг шийдэхдээ уламжлалт хугацаан цуваан эконометрикийн аргыг орчин үеийн машин сургалтын аргуудтай харьцуулан судалж, таамаглалын үр ашигт байдлыг алдааны квадратын дунджийн язгуур (RSME)-аар хэмжиж жишив. Жишээ болгон авсан Монголын инфляцын таамаглалыг хийхдээ 2008 оны 1-р сараас 2022 оны 7-р сарын хоорондын нийт 175 сарын өгөгдлийг ашигласан ба түүнд нөлөөлөгч мөнгөний агрегатууд, хөдөлмөрийн зах зээлийн болон төсвийн үзүүлэлтүүд, дотоодын нийт бүтээгдэхүүний бүрдлүүд, ДНБ-ий дефляторууд, гадаад худалдааны голлох бүтээгдэхүүнүүд, хэрэглээний сагсны бүрэлдэхүүн индексүүд гэсэн 91 үзүүлэлтийг ашиглав. Машин сургалтын Лассо, Риж, Уян тор регрессийн хийгээд Санамсаргүй ой мод аргуудыг авч үзэв. Судалгааны үр дүнд Монголын инфляцад нөлөөлөгч гол хувьсагчид нь Хүнсний бараа, Гэр ахуйн тавилга, Тээвэр, Орон сууц, ус цахилгаан түлш, Амралт, чөлөөт цаг, соёлын бараа, үйлчилгээний үнэ болохыг тодотгосон бөгөөд машин сургалтын аргууд нь уламжлалт хугацаан цуваан эконометрикийн аргуудаас илүү сайн үр ашигтай таамаглаж байгааг тогтоов.
