Шинэ Кейнсийн гурван тэгшитгэлт загвар, түүний эмпирик үнэлгээ

Abstract

Макро эдийн засгийн загварчлал нь эдийн засгийн ерөнхий төлөв байдлыг ойлгох, дүн шинжилгээ хийх, урьдчилан таамаглах болон эдийн засгийн бодлого боловсруулахад чухал үүрэг гүйцэтгэдэг. Үүнд макро эдийн засгийн янз бүрийн хувьсагчдын хоорондын хамаарлыг харуулсан математик болон статистикийн загваруудыг ашиглах, бодлого боловсруулагчид болон эдийн засагчдад үндэслэлтэй шийдвэр гаргах, эдийн засгийн цогц динамикийн талаар ойлголттой болох боломжийг олгодог. Энэхүү судалгааны ажлаар макро эдийн засгийн Шинэ Кейнсийн гурван тэгшитгэлийн загварыг ашиглан шинжилгээ хийж, мөнгөний бодлогын арга хэрэгслүүдийн өөрчлөлтөд бодит эдийн засаг болон үнийн түвшин хэрхэн хариу үйлдэл үзүүлэхийг шинжилсэн. Уг судалгаанд 2007 оны эхний улирлаас 2022 оныг дуустал нийт 64 улирлын өгөгдлийг цуглуулан вектор авторегрессив загвар болон бүтцийн вектор авторегрессив загварыг үнэлсэн. Шинжилгээнээс (i) макро эдийн засгийн бодлогын шинжилгээний загвар нь бодлого боловсруулагчдад үр дүнтэй бодлого хэрэгжүүлэхэд тусалдаг, (ii) Шинэ Кейнсийн энэхүү загвар нь гурван хүлээлтийг авч үздэг бөгөөд эдийн засгийн агентууд ихэвчлэн статик болон дасан зохицох хүлээлтийг илүүтэй хийдэг, (iii) дасан зохицох үйлдлийн хариу үйлдэл нь өнгөрсөн үеийн мэдээлэл дээр тулгуурладаг учраас статик хариу үйлдлээс илүү хоцорч мөн сул хариу үйлдэл үзүүлдэг гэсэн үр дүнгүүд гарсан.