Хураангуй:
Дэлхийн гоо сайхны хэрэглээ бидний үүсэж хөгжсөн цагаас өдийг хүртэл асар хурдацтайгаар хөгжиж нэр төрлөө нэмсээр байгаа билээ. Улс орны өөр өөрийн гэсэн соёл иргэншил, цаг уурын нөлөө, нийгэм эдийн засгийн онцлогоос хамааран бүгд харилцан адилгүй байдгийн адил хүн бүрийн арьсны онцлог, нас хүйсийн ялгаа, хэрэглэж дадсан байдал зэрэг ялгаатай байдал, хэрэглэгчийн зан төлөвийг ойлгож тодорхойлж чадсанаараа гоо сайхны бизнесийн салбарт өрсөлдөөний давуу талыг бий болгож чадах билээ. Энэхүү бакалаврын зэрэг горилсон дипломын төсөлд Улаанбаатар хотын нүүр цэвэрлэгч хэрэглэгчдийн зан төлөв, шийдвэр гаргалтад нөлөөлж буй хүчин зүйлсийг судалж судалгааны үр дүнд суурилан Монгол Улсын органик гоо сайхны бүтээгдэхүүний үндэсний ууган үйлдвэрлэгчдийн нэг болох “Натурал Эссеншлс” ХХК-ны “Lhamour” брэндийн 2021 оноос монголдоо анхан үйлдвэрлэгдэж буй Нунтаг нүүр цэвэрлэгч бүтээгдэхүүнийг сайжруулах цаашид зах зээлд танигдсан бүтээгдэхүүнийг бий болгох санал, зөвлөмжийг боловсруулж тус компанид ашиглагдах маркетингийн оновчтой стратеги ба шийдвэр гаргалтад нөлөөлөхийг зорилоо.
