Хураангуй:
Дэлхий дахинд сүүлийн жилүүдэд хурдацтай хөгжиж буй санхүүгийн арга хэрэгсэл
бол Краудфандинг буюу олон нийтийн санхүүжилтийн арга юм. Орон сууцны төсөл
хөтөлбөрийг хэрэгжүүлэх нь өөрөө өндөр өртөгтэй тул барилгын компаниуд урьд
өмнө ихэвчлэн уламжлалт аргаар санхүүжилт босгох буюу банк болон бусад
санхүүгийн зээл олгогч байгууллагуудаас өндөр хүүтэй зээл авдаг нь санхүүжилтийн
зардлыг өсгөдөг байсан бол орчин үед дэлхий дахинд краудфандинг ашиглан бага
зардлаар төслийн санхүүжилт татан төвлөрүүлэх хандлага давамгайлж байна.
Краудфандинг санхүүжилт нь дотроо урамшуулалд, хандивт, хувьцаанд, зээлд
суурилсан гэж 4 ангилагддаг бөгөөд энэхүү судалгааны ажлын хүрээнд урамшуулалд
суурилсан краудфандинг ашиглаж орон сууцны төсөл хэрэгжүүлэхэд шаардлагатай
санхүүжилтийг бага зардлаар олон нийтээс интернет платформоор дамжуулан татан
төвлөрүүлэх арга зам боломжийг Монгол улсын хууль эрх зүйн орчинтой уялдуулан
татан төвлөрүүлэх арга замыг тодорхойлсон.
