Хураангуй:
Энэхүү судалгааны ажлын хүрээнд хувь хөрөнгө оруулагчийн хөрөнгө оруулалтын төлөвлөгөөнд үндэслэн хиймэл оюун ухааныг ашиглах замаар оновчтой багц бүрдүүлэх боломжийн талаар судалсан. Судлахдаа хиймэл оюун ухаанд суурилан багц бүрдүүлж буй олон улсын платформуудыг харьцуулан ажлын даалгавар, техникийн шаардлага, интерфейс болон давуу, сул талуудыг харьцуулан судалсан. Харьцуулалтын үр дүн дээрээ үндэслэн Infiniwealth аппликейшны загвар төслийн техникийн шаардлага, ерөнхий архитектор, ажлын даалгавар, эдийн засгийн даалгавар болон хэрэглэгчийн интерфейсийг боловсруулан танилцуулсан. Өртөг-үр ашгийн шинжилгээг хийхэд ашигтай ажиллах таамаглалтай гарсан ба хэрэглэгчдээс анкетын судалгааг авахад уг аппликейшныг хэрэглээнд нэвтрүүлэх нь ач холбогдолтой гэж үзсэн. Монгол улсад хиймэл оюун ухаанд суурилсан хөрөнгө оруулалтын багц бүрдүүлэх боломжтой гэж дүгнэсэн.
