ҮЛ ХӨДЛӨХ ХӨРӨНГИЙН ХӨРӨНГӨ ОРУУЛАЛТЫН НЭЭЛТТЭЙ САН БАЙГУУЛАХ АРГА ЗАМ

Abstract

Монгол улсад хөрөнгийн зах зээл үүсээд 30 жил болж байгаа ч одоог хүртэл хөрөнгө оруулалтын сангийн үйл ажиллагаа хангалттай бүрэн хөгжиж чадаагүй. Гэвч санхүүгийн зохицуулах хорооноос гаргасан зах зээлийн үнэлгээнээс харахад өмнөх оноос 45.6 хувиар өсөж 5,378.6 тэрбум төгрөгт хүрсэн нь сүүлийн жилүүдэд хэр өсөлттэй байгааг илтгэж байна. Хэдий эрчимтэй өсөлттэй байгаа ч хөрөнгө оруулагчид ихэвчлэн бонд болон хувьцаанд хөрөнгө оруулалт хийж байгаа нь өөр нэмэлт хэрэгсэл шаардлагатайг харуулж байна. Манай улсад хувьцаа, бондоос гадна үл хөдлөх хөрөнгийн хөрөнгө оруулалт хийдэг 14-15 компани байдаг ч тэр бүх компани нь хаалттай байдлаар үйл ажиллагаагаа явуулдаг. Энэ нь томоохон хөрөнгө оруулагчдад эрсдэлээ тараан байршуулах хэрэгслийг нэмэгдүүлдэг ч жижиг хөрөнгө оруулагчид нь үл хөдлөх хөрөнгөд хөрөнгө оруулж өгөөж хүртэж чаддаггүй. Нээлттэй ҮХХХОС бий болсоноор хөрөнгө оруулалтын хэмжээнээс үл хамааран эрсдэлээ тараан байршуулах, ҮХХ-н зах зээлээс өгөөж хүртэх боломж нэмэгдэн, хөрөнгийн зах зээлийн бүтээгдэхүүний сонголт нэмэгдэнэ. Иймээс энэхүү судалгааны хүрээнд кейс харьцуулсан судалгаа хийж, манай улсад хэрэгжих боломжтой хөрөнгө оруулалтын хэрэгслийг гаргаж ирлээ. Мөн нээлттэй ҮХХХОСг нэвтрүүлэх арга замыг тодорхойллоо. Энэ судалгааны ажлын эцэст манай улсад нээлттэй ҮХХХОС-г нэвтрүүлэх боломжтой гэж үзэж байна.