Хураангуй:
Манай улсад аккредитивтай холбогдох үйл ажиллагаа эрхлэгч банкирууд, хуульчид, импортлогчид, экспортлогчид, тээврийн менежерүүд, сурган хүмүүжүүлэгчид зэрэгт аккредитивыг нэг мөр ойлгуулах эрх бүхий байгууллагын тодорхойлолт, үйл ажиллагааг ерөнхий бөгөөд төрлийн шинжээр нь эрхлэхэд баримтлах нэгдсэн журам, эрх зүйн зохицуулалт шаардлагатай гэж үзэж, уг асуудалд санал, дүгнэлт дэвшүүлэх зорилгоор, Монгол улсын эрх зүйн зохицуулалтыг боловсронгуй болгох, эрх бүхий байгууллага чиг үүргээ хэрхэн зохистой хэрэгжүүлэх эсэхэд санал дүгнэлт гаргахыг зорьсон болно.
Банкнаас гадаад худалдааны аккредитивын үйлчилгээ үзүүлэх эрх зүйн зохицуулалт сэдвийн хүрээнд шинжлэх ухааны судалгааны аргуудаас суурь судалгааны (bagic research) аргыг ашиглан аккредитивын шинж чанар, бүтэц, тэдгээрийн өөр хоорондын харилцан хамаарал, зүй тогтол мөн чанарыг нь танин мэдэж , бүрэн бус индукцийн аргыг ашиглан аккредитивын үйлчилгээ үзүүлэх эрх зүйн зохицуулалтын ерөнхий, зайлшгүй шинжийг тодорхойлж, баримт цуглуулах, асуудал тодруулах, судалгааг төлөвлөн зохион байгуулах, тайлбар хийх, таамаглал дэвшүүлэх, нэгтгэн дүгнэх замаар судална. Судалгааны ажлын онолын хэсэгт түүхэн хандлагыг судлах арга болон системчилсэн хандлагын аргыг, үндсэн хэсэгт харьцуулалтын болон ярилцлагын аргыг тус тус ашигласан болно.
