БАНК БУС САНХҮҮГИЙН БАЙГУУЛЛАГЫН ЭРХ ЗҮЙН ОРЧИН ДАХЬ ТУЛГАМДАЖ БУЙ ЗАРИМ АСУУДАЛ

Abstract

Банк бус санхүүгийн байгууллагуудын үйл ажиллагаа нь манай улсын эдийн засагт гүйцэтгэж байгаа үүрэг нөлөөлөл нь санхүүгийн бусад салбаруудтай харьцуулахад нэлээд онцлог байдаг. Манай улсад 1999 оноос ББСБ үүсэн байгуулагдаж өдгөө тус санхүүгийн салбар эрчимтэй хөгжиж, эдийн засагт үзүүлэх үр нөлөө нэмэгдэж байгаа учраас уг санхүүгийн салбар дахь баримтлах эрх зүйн орчин дахь тулгамдаж буй асуудлыг бууруулж зөв зохистой, үр дүнтэй зохицуулах, улмаар санхүүгийн салбарын хяналт, хариуцлагын тогтолцоог бэхжүүлэх хэрэгцээ шаардлага байгаа билээ. Иймд миний бие энэхүү дипломын ажлын хүрээнд банк бус санхүүгийн байгууллага гэж юу болох, банк санхүүгийн зах зээлд ямар үүрэг гүйцэтгэдэг мөн бусад улс орнуудын хувьд ББСБ гэж юу болох, мөн эрх зүйн зохицуулалтуудыг судалж манай улсын хувьд энэ салбарыг зохицуулж буй хууль эрх зүйн орчинд боловсронгуй болгох шаардлагатай ББСБ-ын нэр томьёотой холбоотой, Санхүүгийн зохицуулах хорооноос гаргаж байгаа хэм хэмжээний акттай холбоотой, ББСБ-ын үйл ажиллагаа эрхлэхэд тавигдах шаардлагатай холбоотой, болон итгэлцлийн үйл ажиллагаатай холбоотой зарим асуудлыг тодорхойллоо. Энэхүү судалгаандаа түүхчлэх харьцуулах статистикийн баримт бичиг судлах мөн шинжлэх ухааны түгээмэл арга болох анализ болон синтезийн аргыг түлхүү ашиглалаа.