Хураангуй:
Энэхүү судалгааны ажлаар ТОП 20 индексэд багтдаг уул уурхайн салбарын томоохон төлөөлөл болох Тавантолгой ХК болон Эрдэнэ Ресурс Девелопмент Корпорэйшн ХК- ийн хувьцааны үнэлгээг хийлээ. Уг компаниудын хувьд уул уурхайн хоёр өөр чиглэлийн хоёр өөр хөгжлийн үе шаттай компаниуд бөгөөд Эрдэнэ Ресурс Девелопмент Корпорэйшн ХК нь канадын хөрөнгийн биржид давхар бүртгэлтэй, 17 дахь жилдээ хайгуул хийж буй, 8 орд эзэмшдэг, 1 ордныхоо ТЭЗҮ-г батлуулан 2023 оноос алтны олборлолт хийж эхлэхээр төлөвлөөд буй хөгжлийн шинж чанартай компани юм. Харин Тавантолгой ХК нь 57 дахь жилдээ нүүрсний олборлолт хийж буй үйлдвэрлэлийн шинж чанартай, БНХАУ руу коскжсон нүүрс экспортолдог, тэдний нүүрсний хэрэглээнээс бараг 100% хараат компани юм. Тиймээс Тавантолгой ХК-ийн хувьцааны үнэлгээг хийхдээ БНХАУ-ын нүүрсний зах зээлийг голлон судалж, хамаарлыг нь үнэлэн, түүн дээрээ үндэслэж хорогдуулсан мөнгөн урсгалын арга, үлдэгдэл орлогын арга болон зах зээлийн хандлагын аргаар хувьцааны үнэлгээг хийсэн. Эрдэнэ Ресурс Девелопмент Корпорэйшн ХК үнэлгээг хийхдээ батлагдсан ТЭЗҮ дээр нь тулгуурлан хорогдуулсан мөнгөн урсгалын арга болон зах зээлийн хандлагын аргаар хувьцааны үнэлгээг хийсэн.
