Хураангуй:
Хөрөнгийн зах зээлийг хэмжих гол хэмжүүр нь энэ зах зээлийн үнэлгээг илэрхийлсэн голлох компаниудын хувьцаанаас бүрдсэн индекс түүний үнэлгээний өөрчлөлт, өгөөжийн хэм хэмжээ байдаг. Энэ нь хөрөнгө оруулагчдын шийдвэр гаралтанд нөлөөлдөг нэг хүчин зүйл юм. Макро эдийн засгийн хүчин зүйлсээс хамаарч үнэт цаасны өгөөж өөрчлөглөж байдаг бөгөөд энэхүү өөрчлөлт нь тодорхой хугацааны туршид зах зээл дээр хэлбэлзлийг бий болгож байдаг тул бодит өгөөжийг таамаглахад хүндрэлтэй байдаг.
Судалгааны ажил нь ОХУ болон Украйны дайн “Хөрөнгийн зах зээл”-д хэрхэн нөлөөлснийг, хөрөнгийн зах зээлийн индексийн өгөөжийн хэлбэлзэл нь өмнөх хугацаанаас хамаарч байгаа эсэхийг тодрхойлох, макро хүчин зүйлс хөрөнгийн зах зээлд хэрхэн нөлөөлж байгааг судалсан.
Энэхүү бүтээл нь манай хөрөнгийн зах зээл шууд утгаараа давагдашгүй хүчин зүйлийн буюу шокийн нөлөөлөлтэй эсэх, дайнаас хамааралтай дэлхийн улс орон бүрт тулгамдаж байгаа эдийн засгийн хямрал, тодруулбал макро хүчин зүйлсийн нөлөөллийн шалтгаантай хөрөнгийн зах зээлийн уналт болон өсөлтийг эмпирик шинжилгээний аргаар судалсан судалгааны бүтээл юм.
