Хураангуй:
Энэхүү дипломын ажлын хүрээнд бүтээгдэхүүн, үйлчилгээний үнэ
тариф тогтоолтын зохицуулалтыг судалсан бөгөөд энэ нь олон асуудалд тодорхой
хэмжээний хувь нэмэр болохуйц сэдэв юм. Учир нь чөлөөт нийгмийн үндсэн зарчмуудын
нэг бол чөлөөт зах зээл юм. Чөлөөт эдийн засгийн үндсэн механизм нь чөлөөт өрсөлдөөн
байдаг байна. Өрсөлдөөн бол бизнес эрхлэгчдийн зах зээлд оршин тогтнох, хөгжиж
дэвшихийн төлөөх тэмцэл яах аргагүй мөн. Бизнес эрхлэгч нар үнэ тогтоолтын төрөл
бүрийн арга ашиглан шударга өрсөлдөөнийг хязгаарлах, өрсөлдөгчөө зах зээлээс шахан
гаргаж, хэрэглэгчдийг хясан богдуулдаг байна. Олон улсад өрсөлдөөний хууль, эрх зүйн
орчинг сайжруулж, хуулийн зүйл заалтыг илүү нарийвчилж, үнэ тогтоолтын ямар аргыг,
хэрхэн ашиглаж байгаа, түүний зорилго, учир шалттгааныг нарийн тодорхойлдог болж
байна. Иймд, Монгол улсын Өрсөлдөөнийг тухай хуулийг илүү нарийвчилж, түүн дотор
үнэ тогтоолтын аргуудыг нарийн тодорхойлон, түүнийг хэрхэн зохицуулах талаар
тодорхой тусгах нь шударга өрсөлдөөнийг хангахад чухал ач холбогдолтой юм.
