Хураангуй:
Ковид-19 цар тахлын нөлөөгөөр дэлхийн улс орнууд эрүүл мэнд болоод эдийн засгийн хүнд байдалд оров. Үүний үр дүнд засгийн газрууд яаралтай тохиромжтой макро эдийн засгийн бодлогыг авч хэрэгжүүлэх шаардлага үүсэв. Цар тахлын үеэр авч хэрэгжүүлсэн бодлогын арга хэрэгслүүд нь төсвийн алдагдалд дам байдлаар нөлөөлөв. Энэхүү нөлөөлөл нь засгийн газрын өрд нөлөөлсөн эсэх, төсвийн алдагдлын өөрчлөлт нь ковидын үед нэмэгдсэн эсэх талаар судлахыг зорив. Ингэхдээ дэлхийн 97 улсын өгөгдлийг ашиглан макро эдийн засгийн гол үзүүлэлтүүдийг багтаасан панел өгөгдлийн регрессийн шинжилгээг хийж гүйцэтгэсэн болно. Мөн байгалийн баялаг ихтэй орнуудыг сонгон дэд түүвэр үүсгэн энэ орнуудын хувьд ялгаатай эсэхийг шинжлэв. Үр дүнд төсвийн алдагдал ковидын үед нэмэгдсэн, засгийн газрын өрийн өсөлтөд нөлөөлөгч хамгийн чухал хүчин зүйл нь төсвийн алдагдал байна.
