Хураангуй:
Монгол улсын зохиогчийн эрхийн тухай хуульд шинжлэх ухаан, утга зохиол, урлагийн бүтээлийн зохиогчийн эрхийг эзэмшигч нь хуулийн этгээд байж болно гэж заасан бөгөөд хуулийн этгээд нь албан үүргийн хүрээнд бүтээл туурвиулах журмаар зохиогчийн бүтээсэн бүтээлийг зохиогчтой байгуулсан гэрээний үндсэн дээр болон зохиогчийн гэрээслэлээр шилжүүлэх зэргээр зохиогчийн эрхийн тодорхой эрхийг олж авч болно. Хуулийн этгээд болон ажилтан (зохиогч) хоорондын харилцааг зохицуулах зүйл нь ажлын байрны тодорхойлолт эсвэл гэрээ байдаг. Гэвч практикт энэхүү гэрээ болон тодорхойлолтод ямар нөхцөлд зохиогчийн эрхийг хэн эзэмших талаар зохицуулалт дутмаг байдаг тул зохиогчийн эрхийг эзэмших тал дээр маргаантай асуудал бий болдог байна.
