Дарс хэрэглэгчийн зан төлөвийн судалгаа

Abstract

Монгол улсын хувьд дарс хэрэглэгчийн тоо нэмэгдэж байгаатай холбоотой дарсны мэдлэг мэдээлэл, худалдан авалтад ямар төрлийн хүчин зүйл нөлөөлж байгаа болон дарс сонгох шийдвэр гаргалтын зан төлөвийг судлах хэрэгцээтэй. Үүнд: Дарс сонгох, худалдан авалт хийх болон хэрэглэхэд нөлөөлж буй хүчин зүйл, зан төлөвийг тоон судалгааны аргыг ашиглан, дарс хэрэглэгчдийн онцлог шинжийг хадгалж чадахуйц хэсгээс дөхөмтэй түүврийн аргаар судалгааны түүврээ “Дарсанд дурлагсдын клуб” нэртэй сошиал групп болон дарс хэрэглэх болон сонирхдог +21 наснаас дээш хүмүүсээс цахим хэлбэрээр болон биечилсэн байдлаар санал асуулгаар өгөгдлөө цуглуулсан. Судалгааны түүврийн оновчтой хэмжээг 95%-ийн итгэх түвшин, 5%-ийн алдааны түвшнээр тооцох ба эх олонлогийг төлөөлөх 393 хүн байна. Судалгааны хэрэглэгдэхүүн нь ойлгоц хэмжих 5 асуулт, Дарсны худалдан авалтад нөлөөлөх хүчин зүйлийг хэмжих 18 шкал асуулт, Уялдаат 5 асуулт , хувийн мэдээллийн 5 асуулт буюу нийт 33 асуултаас бүрдэнэ. Судалгааг дарс сонирхдог, дуртай хэрэглэгч нараас нийт 432 хүнээс цахим болон биечилсэн хэлбэрээр судалгаа авахаар төлөвлөснөөс 409 хүн хамрагдсан. Судалгаанд хамрагдсан хүмүүсээс шаардлага хангах 393 өгөгдөлд дээр IBS SPSS v26, Microsoft Excel программ дээр статистик шинжилгээ хийж үр дүнг боловсруулав.