Даатгалын салбарын санхүүгийн тогтвортой байдлын судалгаа

Abstract

Энэхүү судалгааны ажлаар Монгол Улсын даатгалын салбарын санхүүгийн тогтвортой байдлыг үнэлэхийг зорьлоо. Санхүүгийн зохицуулах хорооноос 2017-2021 оны үйл ажиллагааны нэгдсэн тайлангаас Монгол улсад үйл ажиллагаа явуулж буй нийт 17 даатгалын компаний санхүүгийн мэдээлэлд үндэслэн судлагдсан байдлын судалгаагаар тодорхойлсон CARAMELS загвар, RBC (risk-based capital) загвар, Financial Strength Rating (FSR) загвар-ын дагуу тогтвортой байдлын харьцаа үзүүлэлтүүдийг гаргах зорилготой байсан. Гэвч харьцаа үзүүлэлтүүдэд шаардлагатай санхүүгийн үзүүлэлт тодорхойлох боломжгүй байсан тул боломжит үзүүлэлтүүдийн тооцооллыг гаргасан ба нэмэлтээр Санхүүгийн зохицуулах хорооны Даатгалын компаний үйл ажиллагаанд эрсдэлд суурилсан хяналт шалгалтыг хэрэгжүүлэх журам болох Эрт анхааруулах шинжилгээ хийх аргачлал болон шуурхай шинжилгээнд ашиглагддаг харьцаа үзүүлэлтийг нэмэлтээр авч Монголд хэрэглэгдэж байгаа харьцаа үзүүлэлтүүдийг олон улсын үзүүлэлттэй харьцуулж боломжит харьцаа үзүүлэлтүүдийг тооцсон. Үүний дараа нийт тооцсон харьцаа үзүүлэлтүүдээс даатгалын салбарын тогтвортой байдалд нөлөөлөх үзүүлэлтийг ач холбогдолоор үнэлэхийн тулд даатгалын салбарын туршлагатай мэргэжилтнүүдээс судалгаа аван 5 харьцааг тооцоолж баталгаажуулсан. Уг тодорхойлсон 5 үзүүлэлт тус бүрийг Монголын даатгалын салбарын нөлөө бүхий 5 компанийг төлөөлүүлэн тухайн үзүүлэлтээр тооцоолол хийж даатгалын салбарын тогтвортой байдалд үнэлгээ хийсэн болно.