Хураангуй:
Энэхүү судалгааны ажлаараа нүүрсний чиглэлээр үйл ажиллагаа явуулдаг хувьцаат компаниудаас арилжааны идэвхи хамгийн өндөр Тавантолгой ХК-ны үнэлгээг хорогдуулсан мөнгөн урсгалын аргаар тооцсон болно. Бизнесийн үнэлгээгээр ирээдүйн борлуулалтын орлогын өсөлтийн хувийг ДНБ-ны өсөлттэй адил хэмжээгээр өснө гэсэн таамаглалаар хувьцааг үнэлэхэд 4045 төгрөг, эздийн өмчинй өгөөж, нэгж хувьцаанд ногдох ноогдол ашгаар тодорхойлогддог Кайсорын өсөлтөөр 9416 төгрөг, борлуулалтын өсөлт, ашгийн маржин, ногдол ашиг төлөлтийн харьцаа, нийт хөрөнгийн эргэцээр тодорхойлогддог Хингинсын өсөлтөөр 7094 төгрөг, Хятадын нүүрсний олборлолтын хэмжээгээр манай улсын нүүрсний экспортын хэмжээг тодорхойлох регрессийн шинжилгээгээр тооцсон өсөлтөөр 2186 төгрөг, компанийн борлуулалтын орлого 2021 оны түвшинд байна гэсэн хувилбараар орлогын тайлангийн төсөөлөлийг боловсруулан мөнгөн урсгалыг тооцон өнөөгийн үнэ цэнээр үнэлэхэд 3514 төгрөг тус тус гарсан болно. Судалгааг хийхдээ Тавантолгой ХК-ны санхүүгийн шинжилгээ, орлогын тайлангийн шинжилгээ, зардлын таамаглалыг хийж зорилтот зах зээл болох Хятад улсын одоогийн болон ирээдүйн нүүрсний олборлолт, хэрэглээний хэмжээг судалж үнэлгээг сайжруулахыг хичээсэн болно.
