Хураангуй:
Хөрөнгийн зах зээлд IPO гаргаснаар байгууллагад шаардлагатай хөрөнгийн эх үүсвэрүүдийг бүрдүүлдэг. Мөн хөрөнгийн биржид бүртгэлтэй нээлттэй хувьцаат компанийн үнэлгээ ХХК-аас илүү өндөр байдаг нь компанийн үйл ажиллагаа, санхүү, удирдлагын мэдээлэл нь олон нийтэд ил тод байдагтай холбоотой ба энэ нь засаглалд эерэг нөлөө үзүүлдэг. Улмаар хөрөнгө оруулагчдын итгэлийг нэмэгдүүлэх, зах зээл өөрөө компанийн хувьцааны бодит үнэлгээг тогтоодог учраас зах зээл дээр өндөр үнэлэгддэг, капиталын өртгийг бууруулж, компанийг илүү хүчирхэг болгодог (хувьцаа эзэмшигч бүр хамтран компанийг илүү өргөжүүлэн томруулахаар ажилладаг), компанийн сайн засаглал бий болно (нэг, хоёр хүний эзэмшлийн бус хэдэн зуун хүн компанийн хувьцаа эзэмшигч болж, хувьцаа эзэмшигчдийн хурлаар компанийн чухал шийдвэрүүдийг хамтаар гаргадаг), менежмент сайжран, (компанийн хувьцаа эзэмшлээр дамжин менежментэд гадаад, дотоодын чадварлаг экспертүүд орж ирэх боломжийг бүрдүүлнэ) гэх мэтчилэн олон давуу талуудыг бий болгодог байна.
Даатгалын салбарын бизнесийн онол, хөрөнгийн зах зээлийн талаар IPO гаргах арга зүй, даатгалын салбар нь санхүүгийн зах зээлд хэрхэн нөлөөлдөг цаашлаад хөрөнгийн зах зээлд нөлөөлөх талаар уншиж судлан, хөрөнгийн зах зээл болон даатгалын салбарын өнөөгийн байдлын талаар дүн шинжилгээ хийж эмпирик судалгаа шинжилгээний хувьд даатгалын компаниуд хувьцаагаа олон нийтэд санал болгосноор хөрөнгийн зах зээлд нөлөөлөх, хоорондоо учир шалтгаантай юу талаар шинжилж дүгнэлт, санал зөвлөмж боловсруулав.
