Хураангуй:
Шинэ бизнесийн санааг хэрэгжүүлэхэд хөрөнгө босгож, санхүүжилт татахад зээлийн хүү өндөртэй, барьцаа хөрөнгө шаардах, зээл олгох хүртэлх хугацаа урт зэрэг хүндрэл байдаг. Энэ нь бизнес эрхлэгчид, төсөл санаачлагчид банкны зээл авж чадахгүй, санхүүжилтгүй хоцрох эрсдэлийг нэмэгдүүлдэг талтай. Гарааны бизнесүүдийн санхүүжилтийн эх үүсвэрийн сонголтыг нэмэгдүүлэх зорилгоор гадны улс орнуудад өргөн хэрэглэгддэг краудфандинг ашиглан Монгол улсад санхүүжилтийн шинэ хэрэгслэл болох краудфандингийн төрөл болох урамшуулалын системийг ашиглан IT салбарын жишээн дээр гарааны бизнесийг дэмжих арга зам, боломжийг тодорхойлохыг оролдлоо.
