Хураангуй:
Өндөр хөгжилтэйд тооцогддог Европын холбооны улсууд нь 2016 оноос эхлээд
Шинэчлэн найруулсан төлбөрийн үйлчилгээний удирдамж/PSD2/-г гаргасан ба 2018
оноос хэрэгжүүлж эхэлсэн. Энэ удирдамж нь Европын улсын 29 зах зээл дээр амжилттай
үйл ажиллагаагаа явуулж байгаа бөгөөд багадаа 9000 орчим банкны үйл ажиллагаанд
эергээр нөлөөлөх шинэ дэвшилтэт зохицуулалт болсон юм. Үүний гол зорилго нь
Европын Холбоон дахь банкны салбаруудыг нэгтгэж улмаар банк хоорондын
өрсөлдөөнийг өргөжүүлэхөд чиглэсэн гэхэд болно.
PSD2 нь дотроо AISP/Account Information Service Provider/ болоод PISP/Payment
Initiation Service Providers/ гэж хоёр ангилна. Тус үйлчилгээ нь ямар зориулалттай гэхээр
нэг хэрэглэгч хэд хэдэн банканд данстай байж болох бөгөөд түүнийгээ гуравдагч
этгээд/байгууллага/-ээр бүртгүүлэх боломж үүсэх ба данс эзэмшигчийн зөвшөөрлөөр
өгөгдсөн данснуудын гүйлгээний жагсаалт, холбогдох өөр нууцлалттай мэдээллүүдийг
автомат хэлбэрээр нэгтгэн гаргаж үйлчилгээ үзүүлэх юм. Үүний үр дүнд нэгдсэн
мэдээлэл дээр нь тулгуурлан хөрөнгө оруулалтын хамгийн сайн боломжит хувилбарыг
харилцагчдад харуулах/санал болгох автомат зөвлөхийн үйлчилгээ юм.
Миний сонгож авсан AISP нь /дансны мэдээллийн үйлчилгээ үзүүлэгч
байгууллагууд/ PSD2-ийн чухал бодит үр дүн гаргаж чадсан нь юм. Одоо үед техникт
хөрөнгө оруулах үйл явцыг харвал финтек компаниудын 46%, томоохон банк,
санхүүгийн байгууллагын 30% нь хиймэл оюун ухаантай холбоотой салбарт хөрөнгө
оруулалтаа хийж байгааг судалгаанууд харуулсан. Тиймдээ ч үүнийхээ дагуу судалгаа
шинжилгээг хийж Монгол улсын нөхцөл байдалд нэвтрэх боломжтой эсэхийг судалж,
өөрийн үнэлгээ дүгнэлтийг өгөхийг зорилоо.
