Хураангуй:
Энэхүү судалгааны ажлын зорилго нь заалны спорт пүүз хэрэглэгчид худалдан авалт хийхэд ямар хүчин зүйлс нөлөөлдөг болон уг хүчин зүйлс хувийн жингийн хувьд хэр хэмжээ эзэлдгийг судлах, судалгааны үр дүнд хэрэглэгчдэд сагсанбөмбөгийн пүүз худалдаалагчдын дундаж үнэ, чанар гэх мэт мэдээллийг хүргэх мөн бизнес эрхлэгчдэд зориулсан санал зөвлөмж боловсруулахад оршино.
Хэрэглэгчдийн худалдан авалтанд нөлөөлөх хүчин зүйлсийг судалж хэрэглэгчийн 7О аргыг ашиглан судалгааны асуултаа боловсруулж формоор судалгааг бөглүүлэн түүврээ бүрдүүлсэн болно. Нийт цуглуулсан өгөгдөлд шинжилгээ хийн үр дүнг гаргаж ирлээ.
Уг судалгааны үр дүнд хэрэглэгчдийн хувьд: Улаанбаатарт үйл ажиллагаа явуулж буй сагсан бөмбөгийн пүүз худалдаалдаг албан ёсны борлуулагчдын талаарх мэдээлэлтэй болох, мөн брэнд хооронд ямар ялгаатай тал байгаа талаар мэдээлэлтэй болох зэрэг ач холбогдолтой. Мөн бизнес эрхлэгчдийн хувьд: Өрсөлдөгчтэй харьцуулсан судалгаатай болох, судалгаанаас цаашид бизнесийг сайжруулахад хэрэгтэй мэдээллийг авах боломжтой.
