БНХАУ-аас Монгол Улсад оруулж буй шууд хөрөнгө оруулалтыг нэмэгдүүлэхэд тулгамдаж буй асуудлууд, түүнийг шийдэх арга зам

Abstract

XXI зуун бол дэлхийн эдийн засгийн хөгжлийн эрин үе бөгөөд шинэчлэгдсэн, нээлттэй эдийн засгийн нөхцөлд улс орон бүр өөрсдийн эдийн засгийг бусад орнуудтай хамтран ажиллах замаар хөгжүүлэх нь гарцаагүй сонголт болоод байна. Монгол, Хятадын хамтын ажиллагааны түүхээс авч үзвэл, хэдийгээр хоёр улс худалдаа, эдийн засгийн хамтын ажиллагааны сайн суурьтай хэдий ч хоёр улсын хамтын ажиллагаанд сөргөөр нөлөөлөх асуудлууд үе үе тохиолддог. Эдгээр эрсдэлт хүчин зүйлийг хэрхэн тодорхойлж, цаашид хэрхэн урьдчилан сэргийлэх нь Монгол Улс дахь БНХАУ-ын шууд хөрөнгө оруулалтыг дэмжих үндсэн нөхцөл болох юм. Үүнтэй холбогдуулан энэхүү судалгааны ажил нь БНХАУ-аас Монгол Улсад оруулж буй шууд хөрөнгө оруулалтад учирч буй эрсдэлт хүчин зүйлсийг тодорхойлж, эрсдэлээс урьдчилан сэргийлэх арга хэмжээ, зөвлөмжийг санал болгохоор зорьсон юм. Энэхүү зорилгын хүрээнд шууд хөрөнгө оруулалт болон эрсдэлийн талаарх онолуудад тулгуурлан Монгол Улс дахь БНХАУ-ын шууд хөрөнгө оруулалтын эрсдэлийн талаар судалгаа хийж, эцэст нь БНХАУ-аас Монгол Улсад оруулж буй шууд хөрөнгө оруулалтын эрсдэлээс урьдчилан сэргийлэх арга хэмжээг дэвшүүлж байна.