Хураангуй:
Энэхүү судалгааны ажлаар Үнэт цаасны зах зээл дэх өөрийгөө зохицуулах байгууллагын талаар авч үзсэн болно. Монгол Улс 2013 онд Үнэт цаасны зах зээлийн тухай хуулийг шинэчлэн найруулсан байдаг ба уг хуульд орж ирсэн цоо шинэ ойлголт бол өөрийгөө зохицуулах байгууллага юм. Анх 1934 онд АНУ-д бий болсон үнэт цаасны зах зээл дэх төрийн оролцоог хөнгөвчлөх, үр дүнтэй зах зээлийг бий болгож хөрөнгө оруулагчдын үнэт цаасны зах зээлд итгэх итгэлийг нэмэгдүүлэх зорилгоор үүссэн тус нэр томьёоны Монгол Улс дахь хэрэгжилт төрлийн хэлбэрийн үр дүнтэй байдалд үнэлэлт дүгнэлт өгөх, илүү боловсронгуй болгоход санал гаргах зорилгоор тус ойлголтын мөн чанарыг диалектикийн аргаар, гадаадын сайн орны туршлагыг харьцуулан судалж өөрийгөө зохицуулах байгууллагын олон улс дахь хамгийн түгээмэл анхны хэлбэр болох биржийн зохицуулалт /“Монголын хөрөнгийн бирж” ТӨХК/ дээр жишээ авч судалсан болно.
