Хураангуй:
Санхүүгийн тайлангийн мэдээлэл хэрэглэгчид болох хөрөнгө оруулагчид нь санхүүгийн тайлангийн чанарт ихээхэн анхаарч хөрөнгө оруулалтын шийдвэр гаргалтаа хийдэг. Санхүүгийн тайлангийн чанар сайн байх тусам компани урт хугацааны санхүүжилт татах боломжтой болоод зогсохгүй, хөрөнгө оруулагчдын хувьд хөрөнгө оруулалтын үр өгөөж өндөр байдаг нь гадаад болон дотоодын олон судалгааны ажлуудад бичигдсэн байна. Санхүүгийн тайлагналын чанарын шинжилгээг хийснээр хөрөнгө оруулагчид хувьцаат компаний санхүүгийн тайлагналын чанарыг үнэлж чадна. Манай улсын хувьд компаниудын санхүүгийн тайланд чанарын шинжилгээ хийхэд хэрэгцээтэй мэдээллүүд дутмаг, мэдээллийн ил тод байдал муу байгаагаас хөрөнгө оруулагчид хөрөнгө оруулалтын шийдвэр гаргалтандаа санхүүгийн тайлагналын чанарын шинжилгээг ашиглах боломжгүй байгааг харуулж байна.
