Даатгалын салбарын ногдол ашгийн бодлогыг оновчтой тодорхойлох арга зам

Abstract

Ногдол ашгийн бодлого нь хувьцаат компаниудын хувьцааны үнэлгээнд чухал нөлөө үзүүлдэг. Хувьцаа эзэмшигчдийн хөрөнгийг их байлгахын тулд компанийн явуулдаг олон бодлогын нэг нь ногдол ашгийн бодлого юм. Корпорацын ногдол ашгийн бодлого нь санхүүгийн менежерүүдийн болон пүүсүүдийн санаа зовоосон асуудал байсаар ирсэн. Пүүсүүд бизнесийн цаашдын өсөлтийг дэмжихийн тулд ногдол ашгаа хувьцаа эзэмшигчдэдээ хувааж, олсон орлогоо дахин бизнест хөрөнгө оруулах зорилгоор авч үлдэх асуудалтай тулгардаг. Бизнес хөгжихийн хэрээр хувьцаа эзэмшигчдийн орлогын урсгал цаг хугацааны явцад нэмэгддэг. Пүүсийн олсон ашгийг ногдол ашиг болгон хуваарилж, хэдийг нь үлдээж болох тухай шийдвэр нь ногдол ашгийн бодлогын шийдвэрийн асуудал юм. Илүү их хэмжээний ногдол ашиг өгөх нь хувьцааны үнийг өсгөх хандлагатай байдаг хэдий ч бэлэн мөнгөний ногдол ашгийг нэмэгдүүлэх нь дахин хөрөнгө оруулалт хийхэд мөнгөн хөрөнгийн хэмжээ багасна гэсэн үг юм. 2005 оны байдлаар Беркли ба Маэйрсийн судалгаагаар ногдол ашгийн асуудлыг дэвшилтэт корпорацын салбарт шийдэгдээгүй арван чухал асуудлын нэг гэж дүгнэсэн байдаг.