Хураангуй:
Дэлхийн уур амьсгалын өөрчлөлтөөс үүдэлтэй сорилтууд бүх салбарт нөлөөлж, тогтвортой эдийн засагт шилжихэд шаардлагатай санхүүжилтийг хангахад санхүүгийн зах зээл гол үүрэг гүйцэтгэдэг. Тогтвортой санхүүгийн хувьд үүсмэл зах зээл дээр арилжаалдаг хөдөө аж ахуйн бирж нь энэхүү шилжилтэд чухал үүрэг гүйцэтгэж, түүхий эдийг ногоон шилжилтэд нэвтрүүлэх нөхцөлийг бүрдүүлэх боломжтой юм. Хөдөө аж ахуйн гаралтай бараа түүхий эдийн худалдаа бэлтгэлийн тогтолцоо нь улс орны эдийн засгийн томоохон бүрэлдэхүүн хэсэг болдог. Иймд тогтвортой байдлын зорилтуудтай нийцсэн шинэ бараа, түүхий эдийг биржээр нэвтрүүлэх зорилгоор чацаргана жимсийг сонгон авч арилжаалах боломжийн талаар судалсан билээ.
