Барилгын үнэ тогтоолтод (1м2) нөлөөлөх хүчин зүйлсийн судалгаа

Abstract

Сүүлийн жилүүдэд шинээр ашиглалтад орж буй байр орон сууц, барилгын түүхий эд материалын үнэ огцом нэмэгдэж байгаа холбоотойгоор барилгын 1мкв-ийн үнийн өсөлтөд нөлөөлж буй хүчин зүйлүүдийг судлах хэрэгцээтэй болоод байна. Үнэ тогтоох системийн талаар судалж судалгааны ажлын үндэслэлийг гаргах, барилгын мкв-ын үнэ тогтоолтын өнөөгийн байдлыг судалж, үнэд нөлөөлж буй хүчин зүйлсийг шинжлэх, үнэ тогтоолыг оновчтой болгох санал зөвлөмжийг боловсруулах зорилготойгоор миний бие энэхүү судалгааны ажлын сэдвийг сонгон авсан. Тус судалгааны ажлын хүрээнд Монголын зах зээлд үйл ажиллагаагаа явуулж буй барилгын салбарын төлөөлөгч болох “Соёмбо констракшин” ХХК сонгон авч салбарын төлөөллийн судалгаа хийсэн. Судалгааны арга зүйн хувьд баримт шинжилгээний аргыг ашигласан бөгөөд ярилцлагын болон асуулгын аргаар нөлөөлж буй хүчин зүйлсүүдийг шинжилсэн болно. Судалгааны үр дүнгээр орон сууцны үнэд нөлөөлөгч хүчин зүйлсийн хувьд үйлдвэрлэгч болон зуучлагч компанийн хувьд ялгаатай байдгийг тодорхойлсон. Үйлдвэрлэгч байгууллагын орон сууцны үнэ өссөн шалтгааныг ковидтой холбон тайлбарлаж байсан бол зуучлагч байгууллагын хувьд төр засгийн буруу бодлогын нөлөө хэмээн үзэж байна. Учир нь ковид гарснаас хойш ипотекийн зээлийн хүүг 6% болгосон нь орон сууцны эрэлтийг ихэсгэж, үнийг өсгөхөд хүргэж байгааг тодорхойллоо.