Хураангуй:
Сүүлийн жилүүдэд үйлчилгээний чанарын асуудал, тэр дундаа эрүүл мэндийн
салбарын үйлчилгээний чанар, сэтгэл ханамжийн талаарх судалгаа ихээр хийгдэх болсон
ба үүний шалтгаан нь эрүүл мэндийн байгууллагын үйлчилгээний чанар харилцан
адилгүй, үйлчлүүлэгчдийнхээ сэтгэл ханамжид бүрэн нийцэхгүй байгаатай холбоотой
гэж үзэж байна. Үүнийг дагаад эрүүл мэндийн байгууллагын чанар, чанарын нэгдсэн
удирдлагын асуудлууд ч мөн адил судлагдах болжээ.
Гэсэн хэдий ч одоог хүртэл манай улсад чанарын өртөг гэх ойлголтыг судалсан
судалгааны ажил байхгүй байгаагаас гадна чанарын өртөг тооцдог эрүүл мэндийн
байгууллага байхгүй байна.
Тиймээс уг судалгааны ажлаараа чанарын өртөг гэж юу болох, түүнийг хэрхэн тооцох
талаар судалж, “Бриллиант” эмнэлгийн чанарын өртөгтэй хамааралтай зардал дээр
тулгуурлан тооцоолол хийж чанарын өртгийг тооцоход тулгарч буй асуудлыг
судалж, эрүүл мэндийн салбарын хувьд чанарын өртгийн судалгаа, үр дүнг
тодорхойлсон.
