Хураангуй:
Иргэдийнхээ эрүүл мэндэд эрүүл мэндийн салбар, нийгмийн хамгааллынхаа хүрээнд дэлхийн ихэнх улс орон түлхүү анхаарч хөгжүүлэх, илүү боловсронгуй болгох арга замыг эрэлхийлсээр байгаа ба эрүүл мэндийн даатгалын салбарыг үүсгэн цааш хөгжүүлэн боловсронгуй болгож үр өгөөжийг нь хүртсээр байгаа билээ. Дэлхийн хөгжил явагдаж юмс илүү боловсронгуй болсоор байгаа ч үүнийг дагаад амьдралын хэв маяг, орчин нөхцөлөөс хамааран иргэдийн эрүүл мэндэд ч нөлөөлсөөр байгаа ба сүүлийн жилүүдэд бөөрний өвчлөл нэмэгдэж байгаа нь эргээд түүнийг орлуулах, шилжүүлэн суулгах хүртэл нөхцөл байдалд шилждэг юм. ДЭМБ-ийн судалгааны хүрээнд дэлхий дээр 3.3 сая бөөр орлуулах эмчилгээнд ордог иргэн байдаг ба 2030 он гэхэд 5.5 сая болох хүлээлттэй байна гэсэн үр дүн гарсан байна. Тиймээс аль ч улс орон энэ салбарын дэмжлэг, үйлчилгээнд ихээхэн анхаарах болсон бөгөөд манай улсын хувьд бөөр орлуулах эмчилгээг 2016 оны Эрүүл мэндийн тухай хуулийн өөрчлөлтөөр төр хариуцан төлбөрийг гаргахаар болсон билээ. Энэ нь иргэдэд ирэх санхүүгийн хүндрэлийн багасгахад маш чухал ач холбогдолтой байгаа ч эргээд учруулж болзошгүй эрсдэлүүд ч байгаа тул түүнийг тодорхойлох шаардлага үүсэж байгаа тул энэхүү судалгааны ажлыг иргэн, эрүүл мэндийн даатгалын байгууллагатай гэрээт эмнэлэгээс авч, холбогдох эх сурвалж бүхий тоон статитик дээр тулгуурлан боловсруулан асуудлыг тодруулан гаргаж, зөвлөмж өгөх байдлаар бичсэн болно.
