Хураангуй:
Монгол улсын зах зээл дээрх аудитын үйлчилгээний салбарын олширол нь
үйлчлүүлэгч байгууллагуудад сонголтыг олгож, аудитын үйлчилгээний салбарт
өрсөлдөөнийг бий болгож буй давуу талтай ч нөгөө талаараа аудитын чанаргүй
үйлчилгээ, тамга дарах гэсэн сөрөг талыг мөн адил бий болгож байна. Аудитын
үйлчилгээ нь тухайн байгууллагын санхүүгийн мэдээллийг хууль эрхзүй, стандартын
дагуу үнэн зөвөөр дүгнэж, гарсан алдаанд зөвлөмж өгөх, цаашлаад удирдлага хяналт тавин ажиллахаар байдаг хэдий ч Монгол улсад зарим нэгэн үйлчлүүлэгч байгууллагууд нь тухайн чанаргүй аудитын үйлчилгээг өөрт давуугаар ашиглан худал мэдээллээр хөрөнгө оруулагч нарыг хохироох, зах зээл дээрх итгэл үнэмшлийг бууруулах, зөвлөмжийн хэрэгжилтэд хяналт тавьдаггүй мөн бага үнээр аудитын салбарууд хоорондоо өрсөлдөж буйн улмаас хөгжлийн явцыг удаашруулж буй сул тал ажиглагдсаар байна.
