Хураангуй:
Сүүлийн жилүүдэд ERP програмын цар хүрээ өргөжин тэлж байгаа ба дан ганц том корпораци бус жижиг, дунд бизнесүүд ч мөн адил ихээр нэвтрүүлж байгаа. Энэхүү судалгааны ажлын зорилго нь жижиг, дунд бизнеүүдийг хамрах ERP системийн нэвтрүүлэлтийн асуудлуудыг судалж, шийдвэрлэх арга замыг тодорхойлон, цаашдын нэвтрүүлэлтэнд ашиглах санал зөвлөмж боловсруулахад оршино. Судалгааг хийхдээ чанарын болон тоон судалгааны арга зүйг ашигласан ба Microsoft Dynamics 365 Business Central ERP системийг нэвтрүүлсэн “М Си Эс Эстэйтс” ХХК-ны ажилчдаас цахим болон ярилцлагын аргаар судалгаа авч түүндээ харьцуулалт, статистик бүлэглэлт, нэгтгэн дүгнэх, задлан шинжлэх замаар судалгаа хийлээ.
