Хураангуй:
Энэхүү судалгааны ажлаараа банк бус санхүүгийн байгууллагын дотоод аудитад
залилангийн гэмт хэрэг хэрхэн гардаг талаар, үүнд ямар хүчин зүйл нөлөөлж буй талаар
судлан гаргаж ирэх зорилгоор судалгааны объектоороо Х банк бус санхүүгийн
байгууллагыг сонгон авч судалгааны тоон болон чанарын аргыг хослуулан ашигласан.
Нэгдүгээр бүлгийн хүрээнд банк бус санхүүгийн байгууллагын дотоод аудитад
залилангийн аудитын онол арга зүйг нэвтрүүлэх, залилангийн аудитын арга,
техникүүдийн талаар судалсан. Мөн Монгол Улсын Шүүх цаазын бичиг болон эрүүгийн
хуульд “залилах” гэмт хэргийн талаар хэрхэн зохицуулж ирсэн, ямар ял шийтгэлтэй
байсан талаар болон нийгэм цаг үеийн хэрэгцээ шаардлагаар хэрхэн нарийвчлагдан
сайжирсаар ирсэн судлан гаргаж ирэхийг зорилоо.
Эмпирик судалгааны ажлын үр дүнд үндэслэн Х банк бус санхүүгийн
байгууллагад залилан болж байгаа эсэх, явагдаж байгаа тохиолдолд түүнд ямар хүчин
зүйл нөлөөлж буйг тодорхойлж, залилангаас урьдчилан сэргийлэх, бууруулах зөвлөмж
боловсруулсан болно.
