Хураангуй:
Санхүүгийн тайлангийн мэдээлэлд шинжилгээ үнэлгээ хийх нь сэдвийн хүрээнд “Түмэн Шувуут” ХК -ийг сонгон авч суурь шинжилгээ болон санхүүгийн нэгдсэн шинжилгээг хийж гүйцэтгэлээ. Тус компани нь 2004 онд байгуулагдаж түүнээс хойш тасралтгүй үйл ажиллагаагаа явуулсаар 2019 оны 1-р сараас МХБ-д нэгдэн нээлттэй хувьцаат компани болсон. Хөрөнгө оруулалтаар төвлөрүүлсэн хөрөнгөөрөө ерөнхий дөрвөн үйл ажиллагааг дэмжиж ажиллаж байгаа ба энэ нь компани зардлаа бага байлгах, үйлдвэрлэлээ улам өргөжүүлэх, үйл ажиллагаагаа тэлэх зорилгод чиглэж байгаа юм. Компанийн сүүлийн 2 жилд гарсан өөрчлөлтийг танилцуулж, суурь шинжилгээг SWOT шинжилгээ, Компанийн стратегийн шинжилгээ, Портерийн таван хүчин зүйлийн шинжилгээ, PEST шинжилгээг хийлээ. Санхүүгийн тайлангийн үзүүлэлтүүдээс мэдээлэл аван санхүүгийн тайланд шинжилгээ хийж үнэлгээ өгөн санал зөвлөмж боловсруулсан.
